五一假期匆匆過去。記錄一下。
這個假期都做咗好多嘢，好開心，假期第一天，早上見到天氣好好，收音機主持人話，今天的天氣好好，好適宜上山。係喎，不如就挑戰吓自己，試一試行到幾多得幾多，一步一步行上去，這個park山真的不容易，因為斜路很多！慢慢地，一步一步的走，有地方又坐下，感恩，終於行到燒烤爐啦！好開心呀。跟住就去食咗個車仔麵獎勵吓自己。✌️✌️
第二日啦，同珊子去咗大館的巴黎小館，哈哈！跟住又抽起條筋，去SOGO睇吓啦，明明諗住只係睇下，又唔覺意放低咗啲銀両！！😂😂
今日仲係放假，同姊妹們飲茶。跟住海邊屈膝詳談，陰陰天有涼風，好舒服。戲肉嚟啦，咁就去超市買嘢啦，買完嘢諗住搭返幾個站巴士返屋企，咁又見到有架綠色Van仔以為都會經過屋企，殊不知， Van仔直上東廊原來直上東區的，不會經過我屋企。弊傢伙！搭錯車。😂😂😂 拎住一袋二袋。再喺西灣河落車！游咗車河，不過感恩，雖然開始落雨，不過還不算很大，沒有做落湯雞。下次等嗰架就搭嗰架，其實都係爭兩分鐘，做咩心急呢？，唔好未睇清楚就上冇諗住搭嘅車！蠢孩子！
沒有留言:
張貼留言