8月^^

 依家係八月十五12:02 ，即係姐姐已經過咗生日啦。今日係好充實，亦都係好開心嘅一天！今朝黃色暴雨，曾經有一刻，姐姐都覺得係咪唔好去海洋公園呢。最終姐姐都出發～ gor gor原來都請咗假，車咗姐姐去。「獨」女嘅極致：一個人去海洋公園，姐姐都挑戰咗，原來真係好高興和自在！睇咗好多轉熊貓，真係超級得意，超級得意超級得意，唔怪得之嫂嫂咁鍾意熊貓。本來嫂嫂都想同我去，但係我最後都係決定一個人去！本來擔心好熱好熱好熱，最終係落大雨，不過行得好舒服，雖然落雨，不過唔使汗流浹背。感謝天父嘅恩典。落雨係麻煩，不過唔使熱都係很好！

之後姐姐就去咗IFC會合嫂嫂，佢哋食咗個好有儀式感嘅午餐，好開心，原來gor gor都有問佢唔嚟妹妹會唔會唔開心，完全唔會，因為gor gor喺度昅住晒，冇得同阿嫂暢所欲言。但係原來gor gor話要買花！真係冇諗過，好感動！

返屋企唞一陣，晚上就會合好友們食串燒！呢間串燒感覺有啲江湖，嘈嘈地幾好氣氛。攞蛋糕出嚟嘅時候全間鋪啲人仲一齊拍手，好正！小美美為姐姐訂咗個Snoopy蛋糕，超級可愛！好喜歡呀！

中午嘅時候鐵粉小貓打咗電話嚟唱生日歌！😃😃😃😃😃忙碌嘅一天就這樣渡過了，非常非常感恩主讓我能夠可以仍有生命氣息！真的盼望自己和身邊的每一個都能夠健健康康，好好為主而活。

9號風球？

 依家係夜晚嘅1:40。點解姐姐仲未瞓覺呢？其實本來姐姐佢哋應該喺夏令會，不過因為掛起風球，琴日4:00左右，所有人就匆匆搭旅遊巴離開營地。本來姐姐係留宿兩晚，不過依家只係留宿咗一晚就回家了。真係第一次遇上這樣的情況！平時留兩晚覺得剛剛好，唔能夠住得太長，因為姐姐瞓唔到覺。不過今次只係留宿一晚，有一種好唔捨得離開嘅感覺！姐姐夜半睡醒了，未瞓得返，有好多唔同嘅事情喺姐姐腦海入邊。反覆思想。呢啲係咪就係思慮多，都係！人嘅性格真係好難改變。不過應該係有進步的！姐姐喺第一晚領詩，分享到，真係好希望大家看見是神的恩典。主角不是她，是主。

想起，身上的一根刺，除了是疾病，還有就是本應是生命中最親的人，卻為姐姐帶來很大的痛苦。看到她年紀越來越大，腦袋好像退化了？但是一些令人困擾的行為，卻仍然很強悍，永不會接受別人的話，姐姐要學習的，就是不要要求她接受，而是要接受她，即或受影響，只能夠一笑置之。求主給我能夠達到這個境界。（笑…….） 深知道，不要讓自己動氣，不要影響身體，生命和健康真的很寶貴。

保羅面對身上的一根刺…. 我的恩典夠你用，因為我的能力是在人的軟弱上顯得完全。我要抓緊神的說話來渡過和學習與她相處。在這些年頭，我完全感受不到母親的愛，非常難以理解為何母親可以這樣對女兒？我去學習不要問為何，只要問如何。媽媽老了，我身體也不好，不知誰先走，不如好好與她相處。

要看清楚

 五一假期匆匆過去。記錄一下。

這個假期都做咗好多嘢，好開心，假期第一天，早上見到天氣好好，收音機主持人話，今天的天氣好好，好適宜上山。係喎，不如就挑戰吓自己，試一試行到幾多得幾多，一步一步行上去，這個park山真的不容易，因為斜路很多！慢慢地，一步一步的走，有地方又坐下，感恩，終於行到燒烤爐啦！好開心呀。跟住就去食咗個車仔麵獎勵吓自己。✌️✌️

第二日啦，同珊子去咗大館的巴黎小館，哈哈！跟住又抽起條筋，去SOGO睇吓啦，明明諗住只係睇下，又唔覺意放低咗啲銀両！！😂😂

今日仲係放假，同姊妹們飲茶。跟住海邊屈膝詳談，陰陰天有涼風，好舒服。戲肉嚟啦，咁就去超市買嘢啦，買完嘢諗住搭返幾個站巴士返屋企，咁又見到有架綠色Van仔以為都會經過屋企，殊不知， Van仔直上東廊原來直上東區的，不會經過我屋企。弊傢伙！搭錯車。😂😂😂 拎住一袋二袋。再喺西灣河落車！游咗車河，不過感恩，雖然開始落雨，不過還不算很大，沒有做落湯雞。下次等嗰架就搭嗰架，其實都係爭兩分鐘，做咩心急呢？，唔好未睇清楚就上冇諗住搭嘅車！蠢孩子！

「獨」女 ^^

 今日晏晝因為要去抽血，同埋再去睇中醫，所以朝頭早就冇返工。咁啱時間睇到呢一套戲，真係好感動！啲人話係婆婆媽媽嘅催淚戲，唔覺得呀，每一個人都有佢嘅故事，冇人想做傷天害理嘅事！不過係的確催淚。兩個多小時，一點也不悶場！

跟住就去隔離打邊爐，覺得自己好「獨」女！啲人會用嗰個毒字！我唔會，我覺得自己幾有型！因為我實在享受me time！ 無拘無束，亦都唔介意人哋嘅目光，隔籬枱幾個人嘻嘻哈哈，我戥佢哋開心，因為我都有咁樣嘅時刻。但係我亦能享受獨處的時刻。飲番杯大紅袍珍珠奶茶（無糖），人生實在美好。不過大病之後，我問自己有冇好大改變，但係我又唔覺得喎。不過對於自己沒有必要的動氣或者情緒，係多咗一份認知！好多嘢其實唔需要咁緊張，知道啫，不過暫時都未即時處理到，或者面對任何事都處之泰然。我會努力學習！

有人話大病之後整個人生都改變，暫時我沒有這樣的感覺，我仍要面對每天的問題和憂慮，但是，我會學習交託給主耶穌，因為他顧念我！亦都係我信心功課的學習。但是每天起來，我仍有生命氣息，我感謝我的主耶穌！

Pain & Meaning

 今晚偶然聽咗一段心理學嘅短片，只係聽咗一次，不過好想記低一下。「痛苦中的意義」是什麼呢。找找一些概念，怎樣看人生、生死、愛？

我會咁樣答：

人生：是神所賜的，雖然係官方答案，「或活或死，總是主的人。」呢個的確係事實。不過人活着，好多時都係為咗自己多過為主。經歷困苦後，真係唔敢再高言大志….

生死：喺呢四次療程裏，親身體會自己疾病裏的痛苦、病房裏邊種種的痛苦死亡、人間的冷暖，家人失去至親那種痛苦。事實上，我還未消化得了。可能真係見得少….. 的而且確，生老病死，這就是「人生」，講好輕易。當親歷其景嘅時候，發現其實唔簡單，即使我們生命有耶穌，確知有天國的盼望和福份，但那種未知的過程和經歷，怎會沒有恐懼。尤其我這種性格的人，緊張大師、過分情感豐富，隨遇而安，咁容易咩！？我夠想啦。不過，知道雖然艱難，是過到的！現在回想，要提自己，我不是由開始已經認定，這醫治的道路，是主耶穌親手帶領的嗎？

愛：說實的，我知道主愛我，但是感受上我沒有很強烈。發現信仰，真係講過信字。主不一定要給你強烈的感覺，信仰就是單單相信祂。不過我就係一個孭住個重背囊既傻仔，上車就放低啦，但係仲死要孭住。咪仲辛苦！放低個背囊舒舒服服坐車睇風景咪好囉。呢個真係要學習學習！但是，從哥哥嫂嫂，好友和弟兄姊妹的關懷中，我真的真的看見和感受到主的愛！他們點解要幫忙，點解要愛護，真係唔係必然的。嗚嗚….. 

答完咗答完咗三個概念之後，再要去諗諗，「痛苦叫我學到什麼？」又嘗試回答吓先，唔….. 痛苦讓我看見人是何等軟弱！沒有主的恩典，根本不能活着。另外又知道，痛苦係真實的，要臨到的時候，咬着牙關，靠着主恩，走過去！慣咗呱呱嘈的我，其實深知道已經不算很差！痛苦又讓我看見，人好需要轉念、如果眼睛只望住痛苦艱難，其實真係好難走返出嚟。每次出院頭幾天，在家面對母親，都讓我更痛苦和失望、傷心。我仍在努力學習放低執念。

又答下另一個問題「痛苦令我對做人有什麼睇法？」人生苦短，又係學習，輕鬆開心過每一天吧，何必搞到自己呢？！頭髮越嚟越薄，不過頭先洗完頭之後，看見仍有頭髮，已經要很感恩喔！凡事感恩，痛苦就會消除、又或者起碼可以減輕！^^

心理學影片話，找到意義就嘗試改變行為吧。既然痛苦小不了，不痛的時候，就開開心心過啦！還有很多美好的事情，為何要定睛在白紙上面的小黑點。

又再簡單來說，就是「選擇」！choice to choose ~ 

唔知可唔可以咁樣分享連結，希望冇犯規啦。

有興趣可以聽吓都幾有意思！

https://youtu.be/J7YvuYcjYmo?si=orEOZ4dEZmrU5bRI

Cycle 4: D1 開盲盒

 感謝主，星期二抽血終於合格啦。咁就等待入院啦。本來以為琴日有得入，點不知又冇喎。今日等到11點幾，覺得都係冇㗎啦，咁我咪返工囉。返到公司附近同同事坐低食飯，就打電話嚟啦。問我入唔入，梗係入啦。希望快快搞掂個新年！一仆一碌咁返公司做咗啲棘手嘢，就嗱嗱聲返屋企沖涼啦。

來到呢一個熟悉嘅J6病房，很有開盲盒嘅感覺，因為一日未到達，一日都唔知瞓咩床位。感謝主，今次係瞓二人房啊，仲係窗口位，有少少海景㖭啊。隔籬嗰位姨姨晚上出咗院，今晚可以靜靜地休息，呢個位樣樣都好，係張床凹咗落去，希望唔好瞓到腰骨痛啦。亦都盼望遇到啲好人士嘅醫護人員，都知道佢哋辛苦。唔知今次又會遇到怎樣的房友呢，希望唔使經歷生死，因為實在頂唔住，很傷感的！

多謝睇緊呢一個網誌嘅鐵粉！我都好掛住你啊。^^

主若許可，我哋一定會再見面㗎。

Cycle 3: D3

今日開始嚟料，有啲作悶！醫生開咗止嘔藥俾我，希望情況可以有改善。

在醫院裏，總會遇到一些衰人，不過普遍的護士哥哥姐姐都是以禮相待。遇見一些不好的人，都是對自己品格的一個考驗。不要為一小撮的衰人，而影響自己對別人的態度。也不要放在心上，也許是天父透過他們讓我們學習忍耐和愛心。是艱難！

雖然如此，仍然有很多恩典，小天使們為我預備豐富的午餐晚餐，下午茶gor gor買來粉果！在這個六人病房，同隔離的姨姨傾偈，原來也是基督徒，同聲同氣！分享生病經歷，談信仰，談家庭，原來她是四期，要做12個Cycle，每次三日兩夜，她已經第八循環了！但是她沒有什麼副作用。感受到她那份隨和的性格，真係天生㗎！有主的人實在不同！送她五色葡萄作留念，佢都好開心呀，又係即刻掛喺袋上！讚美主～ 

求主繼續看顧小敏子！🙏🙏