陶瓷之友

姐姐今日又去陶瓷！做陶瓷真係一件好奇妙嘅事，你想做嘅嘢未必會做到，你冇諗過做嘅嘢你又做咗出嚟！真係好奇妙架。姐姐今日係想做兩個杯，不過佢做咗一個小花瓶。

其實做陶瓷一啲都唔容易，見到老師真係好似喺度表演魔術咁樣，手好定，又好純熟！真係非常之好睇！

姐姐另外做咗一隻杯，不過發現唔似杯，唯有攞來做筆插。^_^;

同場加映，下面嗰啲係姐姐之前去日本嘅時候整嘅，整得咁靚，當然老師幫助左好多。攞住自己做嘅陶瓷杯飲水，感覺真係好奇妙啊！