四國剪影：香川&道後

姐姐終於有機會去四國啦！姐姐想去一啲未去過嘅地方。能夠有同伴同行真係開心！花咗好多時間計劃行程，編咗一條路線。不過四國真係太大啦，只係去到大半個。希望下次有機會再去啦！

今次旅程其中一個亮點，都係同海豚游水！地點就係香川縣嘅日本海豚中心。姐姐本來唔落水架，不過因為有啲原因姐姐都落咗水！雖然姐姐好驚，全程都捉住個職員姐姐，當海豚游埋你嘅時候，真係好驚呀！不過真係一個非常好嘅經驗。

呢個係讚岐名物，阿波雞髀！講到名物，點都要試一試。呢隻雞髀成港幣一舊水有多！姐姐覺得茶餐廳嘅炸雞髀好食啲囉。

呢個就係傳說中嘅讚岐烏冬。姐姐佢哋入咗一間小店！職員好少，整呢幾碗野搞左半個鐘！真係餓死佢哋！不過味道有幾好食。但係嗰幾片牛真係好珍貴！

姐姐佢哋又去咗愛媛縣。即係道後溫泉嗰日頭。有呢啲好古舊嘅蒸汽電車！

呢度就係傳說中嘅道後溫泉呀。因為姐姐佢哋book咗附近嘅酒店，所以沒有特別入去浸溫泉。

晚上好多人着住浴衣周街行！好盞鬼！

佢哋兩個成日都有街去！

不過呢間酒店嘅「部屋食」晚餐令姐姐佢哋都有啲失望......

三片牛......

天婦羅普普通通啊。

有時book酒店就係咁，睇相覺得好好。去到實際原來又有距離！不過呢間酒店嘅溫泉係頂樓，景觀一流！可能因為喺房度食晚餐，所以就貴左囉！

第二日姐姐佢哋就去咗大街度博殺！只係行左好少部份，不過都有唔少收穫。呵呵。