樹熊國點滴

姐姐新年嘅時候去咗樹熊國呀！不過無我份啦，我去送機咋！跟住哥哥就帶咗我返屋企了！

今次姐姐坐特級經濟客位， 嘩，真係一分錢一分貨! 長途機嘅分別真係好大呀，好舒服啊，姐姐去程嘅時候食牛扒飲紅酒；回程嘅時候食羊扒！回程嘅時候係日頭，所以佢好精神，睇咗三套戲添啊。好難得覺得坐飛機有享受嘅感覺......真係要努力賺多啲錢搭飛機！

好多謝小貓姐姐對姐姐嘅照顧，佢哋去咗黃金海岸！小貓姐姐真係好叻叻，買到特價機票，都係一舊水澳幣就買到來回黃金海岸！又租左車，真係好方便。

張小同學仲搵到個地方買新鮮海鮮！嘩，雞髀咁大隻蝦！姐姐都係食到三隻～

姐姐不嬲都好喜歡大自然景點，好嘢去到呢一個國家公園！Springbrook National Park~ 雖然只係去咗兩三個景點，不過姐姐已經好滿足！

 小貓姐姐帶咗姐姐去outlet~ 好開心，一開始就有斬獲了！仲有姐姐最鍾意嘅√添呀， 有理冇理，點都要買返件T恤走人！

另一個重點梗係去返悉尼大橋到拍張照片！姐姐對呢條大橋都有啲感情架，佢行過上去㗎！

 姐姐自己去咗動物園啦，佢覺得每一次來都要見一見袋鼠和樹熊的！呢度嘅蝴蝶都好靚呀～企喺度俾你影相㗎！

真係好得意呀！！！！

呢度嘅動物普遍都好懶洋洋，呢兩隻企起身已經好俾面！哈哈哈！姐姐睇完又睇樹熊啊～ 真係好鍾意佢哋！
















今次來呢度，姐姐好想買到車厘子，不過原定嘅地方冇得買啦，姐姐好失望呀！好多謝小貓姐姐，佢帶姐姐去左Paddy Market終於買到車厘子啦，好開心呀！真係好甜呀！姐姐仲帶咗佢地比最好嘅朋友分享～

今次去完九日嘅旅程，姐姐最深刻嘅就係～～～ 佢最鍾意食飯同埋亞洲人嘅嘢～ 呵呵呵！不過好感恩，姐姐去嗰幾日，天氣都唔係好熱，熱得來都有涼風，感謝主！亦都好感謝小貓姐姐同埋張小同學嘅照顧。咁就完成一個旅程啦，財散人安樂！呵呵呵。不過好開心，姐姐同小貓姐姐都傾左好多計呀～ 真係好難得嘅有質素相聚！Yeah~~