2017年11月25日 星期六
佈道小記
繼續係唔使返學嘅日子入面，好好去佈道。感謝天父，今天與一位婆婆暢談了個半鐘！平時去佈道，真係不容易踫到願意傾談的對象，畢竟社會複雜咗，就算自己都不會輕易與陌生人談話吧⋯⋯這亦是出擊佈道叫人感到懼怕和沮喪的地方。但感謝天父，當人願意去作見證的時候，天父就預備對象。今天這位婆婆70多歲，無兒無女，仍有工作，她有一位很好的老闆。婆婆分享了她的生病、工作、照顧病患的丈夫、感覺到她的生命十分不容易！但是婆婆卻處處遇到好人！婆婆有自己的信仰，我們尊重她。但感謝主，我們也跟她分享福音時，婆婆也願意聽。她思路清晰，盼望婆婆有一天能夠尋見耶穌！
當婆婆提到如何照顧她患病的丈夫的時候，真的感到生命的無奈，當人要面對生老病死，實在非常艱難。又想到，愛情、婚姻不單是浪漫的故事，兩個人一同終老、走到白頭、互相扶持，照顧年老患病的老伴，才是真真正正的生命經歷！令我想起，婚姻其實不是愛情故事，是捨己的故事！即使有另一半，倘若他先離去了，陪着自己走到盡頭的，只有主耶穌！
昨天一位弟兄來團契分享他的生命見證，他不斷提到，人需要經歷！藉着他的分享，感覺到一個敬畏神的人，必經歷到恩典處處，雖然人生有很多不明白。非常同意，在人生的經歷當中，體會到主真係好愛我們。好喜歡：「微細調配中讓我得益處」這句歌詞！😊😊
2017年11月18日 星期六
感謝主
去完旅行回來了！星期六，很忙碌！
我就做了這個西蘭花芝士焗蘆筍
然後做了這個韓式海鮮燒餅，不過失敗了！粉太多太厚！食到眼鏟鏟！並且應該再加多一點蔥！下次希望改善！
不過成功拋鑊好好玩！
最後做了這個橙汁豬扒⋯不好吃！！
掙扎左好耐，終於趁term break嘅時間，出擊佈道！天父實在很恩待我這個軟弱的人，今天有一位婆婆決志禱告啊～～～～～真係好開心好開心呀！感謝主！呢位婆婆好開朗，相信佢過往聽過福音，佢好友善，願意同我們傾計，同埋聽了完整的福音。最後我們問她是否願意一同祈禱，相信耶穌基督為她釘十字架，她願意！並且一句一句地跟着我們禱告決志！非常感恩！非常感動！
之前都會為自己找不同的藉口, 不過已經不用上學、不用做功課、還有什麼藉口呢？天父讓我知道，祂願意使用我。而我，只需要乖乖聽從就好了！感謝主，願意使用我！😭😭
我今日真係做咗好多野架，早上跟哥哥吃完早餐後便去買餸。回家後先煲湯、再整蕃茄蘿蔔清湯牛肋條，明晚吃。
然後就出去佈道了！回家再煮飯給媽媽吃。
貓媽媽送給我的新焗兜！焗蔬菜一流！
充實的一天，感謝主！
2017年10月26日 星期四
2017年10月17日 星期二
崇拜點滴@台北
姐姐每次去旅行，如果遇到有星期日，佢都會盡量搵教會返。感謝主，她們來了這裏崇拜。她們聽了一篇很平實卻很有提醒的道。講道中有兩個點讓姐姐很深刻的！牧師說到，火車走在軌道中就會安全地到達目的地，但人卻往往常常偏離軌道，正所謂@出軌@。當人要堅持偏行己路的時候，只有讓自己受傷害。姐姐聽起來，也有一點點的感觸，這不是她的寫照嗎⋯⋯
另外牧師問了會眾一個問題，他問大家覺得神要改變環境困難？還是改變人困難？這真是一條叫人值得反思的問題。很明顯，「改變人」比「改變環境」困難吧⋯⋯主耶穌可以叫風浪都平靜，有什麼環境不是他掌管不了的的呢？但是人卻很難去改變.....不是神沒有能力改變人，而是神給人自由，神沒有把人做成機械人的模樣，神卻給人最寶貴的禮物就是有自由意志，去選擇是否跟從神和聽祂的話。是什麼原因神要給人自由.....因為愛！因為愛裡是自由。想到這裏真的很感動...... 祂的愛不像世間的愛，沒有捆綁也沒有束縛。盼望姐姐在主的愛裏自由自在，不要被過去、現在各樣的困難所捆綁， 活在主所賜的自由𥚃。
2017年8月19日 星期六
姐姐牛一花絮
時間真係過得快！眨吓眼姐姐又大一歲了！等我帶大家睇吓姐姐嘅牛一花絮。
好多謝貓媽媽同埋小倩姐姐！
姐姐好喜歡呢個白熊蛋糕啊！
為咗答謝大家，姐姐整咗唧花曲奇送俾佢哋啊。原來真係好難整㗎！
同哥哥阿嫂去咗食西餐～～
龍頭媽媽同埋哥哥就同姐姐去食鴻星。
雖然KK姐姐來不到吃飯，但係好有心啊，買咗呢隻貓貓小丸子俾佢！姐姐好喜歡啊！佢就成為咗今年度出鏡率最高嘅「陪姐姐過生日的公仔」。
今年好特別！因為姐姐有一位新同事，她跟姐姐是同一日生日架。佢哋兩個自己去咗慶祝，
今年生日姐姐選擇咗打邊爐慶祝！夠man! Hahaha!好味道啊！
呢個生日蛋糕係姐姐自己揀嘅！呵呵呵！好多謝一班好朋友對姐姐嘅愛護～～
真係好靚呀～～～～
CC姐姐都好有心！年年都會約姐姐食生日飯架。同埋仲有せんせい姐姐架，不過果晚姐姐唔舒服，沒有拍照喔！
三隻小豬好得意呀！
又自己去揀cake比自己添啊。好搞笑啊！
咁就渡過左一個生日了！感謝天父～～
要繼續努力～～😊😊
2017年7月26日 星期三
遊廣島
廣島都系一個好多景點嘅地方，不過姐姐佢哋淨係去咗宮島嘅大鳥居。實地睇過同旅遊相片介紹嘅好唔同呀，相片睇好似好宏偉、好鮮紅色，實際又唔係真係咁大，同埋點解係橙色嘅！？不過呢個地方好多鹿仔四圍行，鹿仔亦都好溫馴。姐姐仲見到佢哋偷食薯條添啊，好得意呀！等我帶大家睇吓啲花絮。
大鳥居係前面啦！
沿途都見到好多鹿仔！佢哋好似好悠閑咁呀。
就係呢隻鹿仔去偷食薯條啦！靜靜雞行埋去就食啦。佢似乎係一個慣犯！
真係有食架！
O仔同啡仔嘅合照真係好搞笑！真係好把臂同遊咁。
當然唔少得要食廣島燒蠔！
有鹿頭架！好搞笑啊！！
四圍都有大匙羹嘅紀念品！呵呵！
姐姐佢哋另一個重要嘅景點就係.... Sogo! 不過時間有限..... 大家都全力以赴，做到最好！姐姐買到對白鞋仔啊！yeah~~~
2017年7月24日 星期一
遊岡山
岡山、廣島其實都有好多可以旅遊嘅地方。不過姐姐佢哋時間有限，所以佢哋都只係揀咗幾個地點遊覽。又帶大家睇吓！
其他團友好鍾意走來攝位！真係老實不客氣！
呢度環境的確好優美。
小店子賣嘅嘢都各有特色。姐姐都係呢樹放低左少少銀両。
呢度有船仔坐，不過咁嘅天氣...... 好在沒有中伏！秋天可能就幾寫意！
呢幅影得小白兔都好可愛！
呢度有芝士火鍋食！！
雖然大家果刻唔係好肚餓，但係都值得一試！
呢度係二人份量！真係食唔晒！啲牛牛好淋，好好味！
刺身都唔錯，好新鮮！
呢度係倉敷，姐姐佢哋一早出去，所以比較寧靜舒服，又唔係太多人。仲係呢度謀殺左唔少菲林！
另外姐姐揀咗去呢個蒜山高原，有個牧場，不過啲牛牛好遠！唔係好見到佢哋！
之後姐姐佢哋去咗一個鬼女台展望所！風景都幾優美！最緊要佢哋都搵到野買！哈哈哈～佢地傻架！
唔係買咗西瓜！不過買咗手信、還有七福米。仲攞住人哋啲嘢影相！
姐姐佢哋呢晚住喺湯原溫泉既「湯快感」，雖然比較舊啲，但係酒店嘅職員個個都好親切。晚飯招呼佢哋嘅日本太太真係非常友善，仲跟住姐姐講廣東話。
食飽飽之後，姐姐佢哋出咗去散步，見到呢間油屋！真係古色古香！
訂閱：
文章 (Atom)