，呵呵！
姐姐聽日會返一返工，之後複診在休息一下。原來休假都係好快渡過架，好好珍惜，也好好休息。( ◠‿◠ )
2016年12月18日 星期日
2016年12月14日 星期三
人生味道
姐姐返咗屋企第二日，學習休息。係呀！原來休息都是需要學習的。一直都好想寫返入院嘅經歷同埋感受, 不過實在有很多不同的感想，不知如何說起。不如就由姐姐「食嘢」講起呀！
記得牧者來探姐姐時對姐姐說：好好珍惜這幾天，經歷和體會人生最軟弱的時刻，就會明白什麼是人生。那一刻不明白這句說話的意思，直到出院回家的那一個晚上，由於不再吃安眠藥，原本自己熟悉的床鋪變成了三保床！頭又痛楚，總不能入睡！任何睡姿都不舒暢，又害怕整到傷口，非常辛苦，終於明白牧者所說的那句話是什麼！體會到人生不是自己可以控制，疾病臨到的時候身體不是自己掌管的。健康的時候要珍惜寶貴，苦難疾病的時候要順服！不過深知道任何時候主耶穌都與我在一起！痛苦沒有離開，不過是祂所看見的、所知道的。
姐姐姐做完手術第二日，當佢嘗試飲水嘅時候「濁親」呀！可能佢用咗一支比較粗嘅飲管，而且亦都唔適應。所以好驚呀。多謝KW姐姐好醒目帶咗粥來俾姐姐食，不過當姐姐食第一口嘅時候佢覺得吞唔到野啊！！心裏邊好害怕，話比姑娘聽，姑娘解釋俾佢知可能手術後整組喉嚨嘅肌肉郁動會有痛楚，所以係正常嘅。叫姐姐再嘗試，就勉強食到啦。姐姐仍然記得那啖粥的味道！好好味！
第二難忘就是第一口車厘子！好甜呀！
第三難忘就是豪爸媽帶來的無花果雪耳瘦肉湯！嘩！好甜呀！
終於體會到一點詩人所寫的：
「我要為你的慈愛高興歡喜，因為你見過我的困苦，知道我心中的艱難」
「耶和華啊，我仍舊倚靠你；我說：你是我的神！我終身的事在你手中！」
「耶和華的聖民哪，你們都要愛他！耶和華保護誠實人，足足報應行事驕傲的人」
Ps 31
感謝主耶穌讓我帶我經歷多一點人生的味道。這段經歷叫我知道，我要更敬愛祢。
2016年12月10日 星期六
姐姐入廠篇
終於來到姐姐入廠既大日子了，姐姐今晚狀況稍為好一點了，感謝主。
她今天持續都好頭痛啊！醫生轉左藥比佢之後就好一點了！
回想做手術前後過程都好平安，心裡都沒有太懼怕的感覺，因為實在感到很多的支持和代禱，叫姐姐感到很有力量。每位的關心行動讓姐姐都好感受到被愛。是主的大愛和肢體的愛！感謝主恩在這個不配的人身上顯大。嗚嗚。
姐姐被推進手術室那一刻，只想起：「耶和華必在你面前行，他必與你同在。」在手術室內抬頭看見一個十字架，心裡很感到安慰。姐姐仲記得自己對主說了一句話。（╹◡╹）♡
原本手術是三小時，大約七點完，殊不知8:45才被推出來，真的比原定時間做耐左好多，嚇親大家喔。手術順利，醫生比左甲甲照片姐姐睇，嘩！好醜怪啊！有13cm~~ 巧大隻呀！希望傷口可以儘快癒合啦。
感謝大家對姐姐的照顧和付出喔，感激感激！
2016年12月5日 星期一
2016年12月3日 星期六
檢查甲甲日
前日姐姐去咗檢查甲甲，醫生話姐姐嘅甲甲已經大到超聲波都睇唔到有冇問題，話做手術係正確的。感謝天父嘅引領，相信都係時候要處理和面對。下星期就係啦！
你睇個天花板幾靚！
支仲都食左雪糕（唔記得咗個名堂，好似係：山楂餅棉花糖咩雪糕）！
幾似日本啲橫街！
零食物語都高級過人，有即制卡樂B！
之後姐姐仲去咗SOGO買到佢想買嘅東西啊！今日佢仲即刻試用，依家我哋屋洋溢着香噴噴青紅蘿蔔瘦肉湯嘅味道啊！
檢查完甲甲，姐姐同左支去下午茶，來到呢間幾特別嘅高檔茶餐廳，感覺真係幾高檔。不過姐姐覺得佢哋嘅食物質素同埋服務都係值返呢一個高檔茶餐廳既價錢。姐姐佢哋好犀利呀，竟然兩個人食咗四個餐！當晚飯食！
真係好味滿足！黑松露炒蛋配菠蘿包沙律；低溫煮豬扒番茄米粉（呢個好醒胃）
之後姐姐佢哋去咗灣仔，原來有啲咁嘅地方。真係大鄉里出城唔知道。
黎緊姐姐就要迎接大挑戰啊，求天父保守我家姐姐嘅平安。阿們！
訂閱：
文章 (Atom)