無限回憶

哇哇哇！來到呢度真係令姐姐有無限嘅回憶啊！佢當年稱呼自己為KK嫂架。成日幻想自己係佢女朋友！哈哈哈！

睇返好多呢啲東西，想起以前讀書時代，成日去淘大買相、買襟章、買鏡盒。試過有一次，買到淨係得返搭車錢返屋企。轉眼間，kk都離開左大家好多年了！但係佢嘅歌聲、佢嘅笑容、佢嘅有型仍然深深咁樣留喺姐姐心入邊。

姐姐真係都記得晒佢哋九成嘅歌詞！真係讀書都冇咁勤力。

最經典應該係電話簿。用過既朋友都知道。

記得kk離開嘅時候時候，果一晚係姐姐人生入邊第一次全晚冇瞓過，成晚眼光光到天光。當時仲係係福音營入面！諗返起都記得嗰一刻嘅感覺，有時好多野唔使特別用力量都會深深咁印在腦海。