姐姐休養花絮

等我小米帶大家睇吓姐姐休養嘅花絮啦！咁就休息左差不多成個星期，就算喺屋企，姐姐都周圍騰，騰來騰去好多攪作。最重要梗係煲啲湯水飲下啦！

雪梨蘋果雪耳瘦肉湯

五瓜排骨湯

姐姐仲嘗試薯仔炆排骨，雖然失敗左！不過吸收左經驗下次一定會好啲嘅！

貓媽媽煮咗午飯給姐姐食！好窩心。

第三日姐姐終於可以出街食一個粟米肉粒飯！嘩！好好味呀！

姐姐自家製：蕃茄餃子快熟通粉

姐姐今天按耐不住，喝一杯紫薯拿鐵，呵呵呵！

話說係醫院蓋果張被真係好柔軟，姐姐今天經過吉吉島，都揀左張被被！yeah!! 

姐姐為2017年的月曆裝飾下

，呵呵！

姐姐聽日會返一返工，之後複診在休息一下。原來休假都係好快渡過架，好好珍惜，也好好休息。( ◠‿◠ )

人生味道

姐姐返咗屋企第二日，學習休息。係呀！原來休息都是需要學習的。一直都好想寫返入院嘅經歷同埋感受, 不過實在有很多不同的感想，不知如何說起。不如就由姐姐「食嘢」講起呀！

姐姐姐做完手術第二日，當佢嘗試飲水嘅時候「濁親」呀！可能佢用咗一支比較粗嘅飲管，而且亦都唔適應。所以好驚呀。多謝KW姐姐好醒目帶咗粥來俾姐姐食，不過當姐姐食第一口嘅時候佢覺得吞唔到野啊！！心裏邊好害怕，話比姑娘聽，姑娘解釋俾佢知可能手術後整組喉嚨嘅肌肉郁動會有痛楚，所以係正常嘅。叫姐姐再嘗試，就勉強食到啦。姐姐仍然記得那啖粥的味道！好好味！

第二難忘就是第一口車厘子！好甜呀！

第三難忘就是豪爸媽帶來的無花果雪耳瘦肉湯！嘩！好甜呀！

記得牧者來探姐姐時對姐姐說：好好珍惜這幾天，經歷和體會人生最軟弱的時刻，就會明白什麼是人生。那一刻不明白這句說話的意思，直到出院回家的那一個晚上，由於不再吃安眠藥，原本自己熟悉的床鋪變成了三保床！頭又痛楚，總不能入睡！任何睡姿都不舒暢，又害怕整到傷口，非常辛苦，終於明白牧者所說的那句話是什麼！體會到人生不是自己可以控制，疾病臨到的時候身體不是自己掌管的。健康的時候要珍惜寶貴，苦難疾病的時候要順服！不過深知道任何時候主耶穌都與我在一起！痛苦沒有離開，不過是祂所看見的、所知道的。

終於體會到一點詩人所寫的：

「我要為你的慈愛高興歡喜，因為你見過我的困苦，知道我心中的艱難」

 

「耶和華啊，我仍舊倚靠你；我說：你是我的神！我終身的事在你手中！」

「耶和華的聖民哪，你們都要愛他！耶和華保護誠實人，足足報應行事驕傲的人」

Ps 31

感謝主耶穌讓我帶我經歷多一點人生的味道。這段經歷叫我知道，我要更敬愛祢。

姐姐入廠篇

終於來到姐姐入廠既大日子了，姐姐今晚狀況稍為好一點了，感謝主。

她今天持續都好頭痛啊！醫生轉左藥比佢之後就好一點了！

回想做手術前後過程都好平安，心裡都沒有太懼怕的感覺，因為實在感到很多的支持和代禱，叫姐姐感到很有力量。每位的關心行動讓姐姐都好感受到被愛。是主的大愛和肢體的愛！感謝主恩在這個不配的人身上顯大。嗚嗚。

姐姐被推進手術室那一刻，只想起：「耶和華必在你面前行，他必與你同在。」在手術室內抬頭看見一個十字架，心裡很感到安慰。姐姐仲記得自己對主說了一句話。（╹◡╹）♡

原本手術是三小時，大約七點完，殊不知8:45才被推出來，真的比原定時間做耐左好多，嚇親大家喔。手術順利，醫生比左甲甲照片姐姐睇，嘩！好醜怪啊！有13cm~~ 巧大隻呀！希望傷口可以儘快癒合啦。

感謝大家對姐姐的照顧和付出喔，感激感激！

勞氣佬

有時候見到媽媽對住阿婆好勞氣，就覺得唔使咁激動吖。但係當自己對住阿媽嘅時候，就係變得好勞氣和激動....... 我都唔想架！呢一個似乎係一個自然定律：「阿囡對住阿媽就會好勞氣和激動」點解佢哋會唔聽人講？點解覺得自己好醒？幫佢安排好晒d野又阿吱阿咗！(≧∀≦)

檢查甲甲日

前日姐姐去咗檢查甲甲，醫生話姐姐嘅甲甲已經大到超聲波都睇唔到有冇問題，話做手術係正確的。感謝天父嘅引領，相信都係時候要處理和面對。下星期就係啦！

檢查完甲甲，姐姐同左支去下午茶，來到呢間幾特別嘅高檔茶餐廳，感覺真係幾高檔。不過姐姐覺得佢哋嘅食物質素同埋服務都係值返呢一個高檔茶餐廳既價錢。姐姐佢哋好犀利呀，竟然兩個人食咗四個餐！當晚飯食！

你睇個天花板幾靚！

真係好味滿足！黑松露炒蛋配菠蘿包沙律；低溫煮豬扒番茄米粉（呢個好醒胃）

支仲都食左雪糕（唔記得咗個名堂，好似係：山楂餅棉花糖咩雪糕）！

之後姐姐佢哋去咗灣仔，原來有啲咁嘅地方。真係大鄉里出城唔知道。

幾似日本啲橫街！

零食物語都高級過人，有即制卡樂B！

之後姐姐仲去咗SOGO買到佢想買嘅東西啊！今日佢仲即刻試用，依家我哋屋洋溢着香噴噴青紅蘿蔔瘦肉湯嘅味道啊！

黎緊姐姐就要迎接大挑戰啊，求天父保守我家姐姐嘅平安。阿們！

感謝

大茶飯臨近，喉嚨痛.....弊傢火！

昨天早上告訴見見導師找不到青欖，查經的時候，她竟然就交給我一袋青欖。非常感動！( ◠‿◠ ) 感謝天父恩典，實在很多人都很關心我。

還有很多不同形式的支持和慰問，心裏實在感到很溫暖！（╹◡╹）♡ 謝謝每一位！

台北剪影

姐姐都好鍾意呢個地方！

酸辣湯

好好味哦

O仔好可愛

特別的地方

O仔食咗唔少野啊！

我都要出下場先！

拉拉熊！

很可愛的茶室名字！原來阿毛是隻狗！

呢張好有feel呀！

烏記溫泉

哇哇哇！小米都有得去旅行啦！好開心呀！！姐姐趁着term break同埋大茶飯前去咗台北。因為行李仲有位，姐姐帶埋我去啊。真係好開心呀。佢揀咗去烏記溫泉，真係唔錯啊。等我帶大家去睇下呢間溫泉旅館先。

裡面嘅裝潢都好靚呀！

就係呢樹啦！

小米也泡湯

房間溫泉對着美麗的景致

小食同埋杯面都係免費架

晚餐都好豐富啊！

烏來老街

特色小食：小米糕熱辣辣好好味呀。

小米@烏來吊橋 ^^

來到這裏很有放假的感覺！感謝主！

團契休息

昨晚姐姐不用返團契，間中不用返其實也很好，可以約下朋友。

姐姐昨晚約了支！

他們去了看：「你叫咩名」

這套戲在日本大熱，都帶着一點期望去看。雖然動畫真係畫得係好靚，好像帶我們去了日本一次，故事也很精采。但是又不覺得好看到與外間所說一樣的「極度好看」。可能人人的觀點和角度不同吧⋯⋯ 姐姐睇完覺得，怪不得日本這麼多「奇人士」。因為很多人也活在一個幻想世界當中，最深感受的就是人好像不停地尋找某些感覺或某一個人。究竟這個人或這些感覺是否真正存在？還只是在發夢？其實真的不得而知...... 但每一個人心底裏面也有一種「不斷的尋找」。有信仰的姐姐，已經尋到了～～ 

心靈/靈魂的空洞相信唯有祂才能滿足吧。

姐姐和支去了這裏食飯，最好味係個湯！

看看這個簡單的晚餐，一餸一飯一湯，九折後承惠＄170！不過在這區相對來說已經算便宜。誠品內的Green Plant:

O仔～有朋友自遠方來

O仔成日周遊列國！佢有朋友仔嚟咗啊，姐姐帶咗佢去見朋友。

你睇佢哋幾開心！好開心可以同星星同埋星星姐姐食飯。希望佢哋玩得開心啲啦～～

謝謝拜托星星幫佢買咗金色嘅芒痴痴呀！！佢個樣好得意呀，啲毛毛好滑呀！我哋加油添了成員！

姐姐仲買咗兩隻細嘅送俾朋友，佢話要保持神秘。所以唔會放相係呢度。

My home

眼見這個土生土長的地方，越來越混亂，心裡實在無奈和難過，就像這幅美麗的夜景中，雲層蓋頂一樣。任何人也想自己生活的地方安穩，可惜現實卻令人擔憂。這個美麗的地方，政治社會經濟各方面都承受不少壓力，明天真的會更好嘛？不同人對愛的表達也不同，大家都用自己的方法去愛這個地方，大家也覺得自己所做是正確和對的事，究竟什麼才是真正對這個地方好的呢？

願祂的旨意成就。

有些感覺...

考試臨近，在家溫習的感覺實在奄悶！身體不舒服，未能跑步，也想出去走一走。很舒服的涼風伴着我，感恩! 有些感覺是要自己去經過的。咬緊牙關去經過吧！

在網絡上睇到呢篇文章，心裏邊有非常認同的感覺。個人體會：能夠被掛念係幸福，掛念一個不在乎你的人是愚蠢！

http://mp.weixin.qq.com/s?__biz=MzIyMzE4NjY2Ng==&mid=2247484406&idx=7&sn=8136e2fa5628c357ce9787ec4463128c&chksm=e8235873df54d1653c8941838622a477198605080d6abc373e095615b54f7262d178ca0929ae&mpshare=1&scene=2&srcid=1009dDAVNtjFNBw6AeqU4eJy&from=timeline&isappinstalled=0#wechat_redirect

好多謝有心嘅朋友

漂亮姊妹好有心啊，佢買咗甲甲既supplement比姐姐,頭先仲特登攞嚟我哋屋企樓下俾姐姐。姊妹常常都關心我嘅身體，佢要我要好好戒口同埋休息。近排姐姐真係亂咁食嘢，又瞓得唔好，甲甲都真係好似大左同埋唔係太舒服！姐姐要乖啲啦，小心身體， 準備坐過山車做手術！實在感謝天父嘅恩典，深知道有朋友對自己好唔係必然，感謝主！

突然間覺得，其實別人沒有想起你才是正常的，也是理所當然的。別人記掛起你才是值得感恩和牢牢地記住的。明白了！