台中之旅：彩虹眷屋，小瑞士花園，青青草原

呢幾個都係有台中嘅熱門旅遊地點。

彩虹眷屋：如果唔係有包車，自己去既話都唔係太方便。聽聞呢樹係由一位80幾歲嘅退休軍人每日每日咁樣畫出嚟嘅。帶大家睇吓少少花絮：

謝謝最鍾意呢一幅。好得意！

呢度都有少少明信片紀念品買，姐姐好後悔買到，應該買一張做留念。

呢個係另一個景點：小瑞士花園，網上嘅評價話唔值得梨，不過姐姐都有來呢度到此一遊。其實的確唔太特別。七至八月係風車節，叫做多啲野睇。

隔離就係紙箱王，都可以兜個圈嘅。

另一個必去嘅景點就係青青草原，不過姐姐就覺得個羊咩show有啲屈水。因為其實冇乜嘢好睇。不過最得意就係個show完咗之後啲羊羊四圍走，可以摸下佢地餵佢地，不過情況都幾混亂架。若果去青青草原，大家一定要記得帶傘，同埋最好帶張即棄嘅膠枱布，方便左係草地度睇show!

就梗係咁樣坐喺度睇羊咩show,姐姐開頭以為啲羊咩會表演，原來唔係嘅！只係睇到剃羊毛，然後有人用皮鞭打氣球！

啲羊羊好似好肚餓咁架！

好多人喺度抽水啊！

其實仲有馬術表演嘅，不過姐姐佢哋睇左一陣就走左啦，叫做可以一看，但又唔使留咁耐囉。

草原嘅出口沿路有水果和小食店，見到啲桃都幾靚啊！姐姐佢哋都好後悔冇買到！（´-`）.｡oO（