生命無常....

消息真係好突然，雖然跟姊妹不熟悉，但是這個突然的消息，實在讓我們都消化不了。我們只能說，天父有他的時間和心意。

反覆思想.....

如果自己突然走了，我又留下什麼呢..... 我又為主做過什麼呢.....

在我仍然有生命氣息的時間裏，我要做什麼呢....

暗淡中的小百合.... 將這感覺紀念着.... 

將人聯繫起來

 有一些朋友，他們生命有一種特質，就是將人聯繫起來。他們的存在，有很奇妙的化學作用！能夠成為別人的祝福，是恩典！

今日姐姐去咗行山呀，不過都係行咗個零鐘，但係已經很滿足了！姐姐帶咗小丸子去啊，小丸子好上鏡呀！

Flower & Movie

今日姐姐同糕糕姐姐去咗睇戲，「靈魂」呢套戲，都幾有意思呢，可能每個人睇，都會有唔同嘅感想。姐姐最深刻嘅嗰一幕，就係當主角拚命地上返人間，實現了他的理想，發現，原來就是這樣！他似乎突然間感到很失落！然後，他回家，從口袋裏，拿出22號（另一位主角）的東西：有一片花瓣、珍寶珠、pizza邊、半舊麵包。他把這些東西，放在鋼琴譜架上，然後彈琴，他似乎想起了，22號生活每一個環節，交織成生命的美妙！

另外一句很深刻的對白，就是「火花不是人生的目標！」其實呢句姐姐未明白，再諗吓先。姐姐好喜歡睇戲之後，記低一啲嘅片段，因為唔寫低，佢一定唔記得的。

然後姐姐佢地去了吃一個芝士chicken三文治和北海道紅豆抹茶Waffle，還有咖啡。再去花墟買花，四圍都有好多靚靚的花花，好靚呀！姐姐最終揀咗呢一束粉紅色的鬱金香，清清地，已經覺得好靚。

快樂不就是這樣嗎，在平凡的生活裡，享受和欣賞每一個細節！為今天的一切感恩。^^

初四睇花花

 不經不覺，又到初四啦！姐姐今日去咗行山，不過發生小意外，導師暈倒了！但是很感恩沒有大礙，姐姐和幾位團友跟導師折返了！依家真係年紀大咗，雖然話欺山莫欺水，其實山都唔好欺架！不過點樣都睇到水塘風景和吊鐘花，其實都夠皮了！😌😌

呢隻小熊熊影相有幾上鏡喎！呵呵！

細細粒的吊鐘花真係幾得意喎！

兩位親愛的屬靈姐姐

 尋晚和今朝，分別同兩位好親愛的屬靈姐姐傾偈。實在好耐好耐冇機會同佢地傾偈，覺得好開心，真係有一種滿足的感覺！因着地域和不同的原因，同兩位姐姐都好少機會可以傾到計，但係再一次相聚嘅時候，大家完全沒有隔膜，仍然可以暢所欲言，實在好感恩。兩位姐姐係我生命入邊都有很重要的位置，她們陪伴我成長，真是我屬靈的姐姐！

看見她們在生命裏都有艱難的功課要去學習，很體會到，天父給我們的功課都不容易，人人都不同，我們都需要學習倚靠神去成長和經歷，真的不容易呢！求天父祝福和幫助她們，滿有恩典的渡過每一天！❤️❤️

Delete & Restart!!!!

今天同事電腦壞了，不停地嘗試網上教的方法，都沒有反應！雖然內心不斷禱告，但真係搞唔掂.... 感到很無助和徬徨！最後嘗試delete左一舊東西，然後restart! 之前好多次，只係熄機再開，最後試restart! 開機時後，發現成功了！內心非常非常感恩！

實在有點體會.... 人嘗試用自己的方法去解決，解除裝置再reinstall... 不斷嘗試也不成功... 作為一個電腦白痴只懂用這些方法...  其實人生 遇到問題，最重要是delete咗舊垃圾！然後再restart！ 人哋係叫你restart，唔係熄機再開！是有分別的！熄機再開，問題沒有解決... restart就是從頭來過！感謝主，原來有一個掣叫做restart！！☺

嗚嗚......-_-

 Losing is part of sport...(Ney)

So do life...... 

為了這地上的冠冕和獎賞... 

各人在運動場上努力爭勝....

但是始終... 除了實力外，仍需要上天的眷顧.... 

比賽是這樣，人生也是這樣...