遊廣島

廣島都系一個好多景點嘅地方，不過姐姐佢哋淨係去咗宮島嘅大鳥居。實地睇過同旅遊相片介紹嘅好唔同呀，相片睇好似好宏偉、好鮮紅色，實際又唔係真係咁大，同埋點解係橙色嘅！？不過呢個地方好多鹿仔四圍行，鹿仔亦都好溫馴。姐姐仲見到佢哋偷食薯條添啊，好得意呀！等我帶大家睇吓啲花絮。

大鳥居係前面啦！

沿途都見到好多鹿仔！佢哋好似好悠閑咁呀。

就係呢隻鹿仔去偷食薯條啦！靜靜雞行埋去就食啦。佢似乎係一個慣犯！

真係有食架！

O仔同啡仔嘅合照真係好搞笑！真係好把臂同遊咁。

當然唔少得要食廣島燒蠔！

有鹿頭架！好搞笑啊！！

四圍都有大匙羹嘅紀念品！呵呵！

姐姐佢哋另一個重要嘅景點就係.... Sogo! 不過時間有限..... 大家都全力以赴，做到最好！姐姐買到對白鞋仔啊！yeah~~~ 

遊岡山

岡山、廣島其實都有好多可以旅遊嘅地方。不過姐姐佢哋時間有限，所以佢哋都只係揀咗幾個地點遊覽。又帶大家睇吓！

呢度係倉敷，姐姐佢哋一早出去，所以比較寧靜舒服，又唔係太多人。仲係呢度謀殺左唔少菲林！

其他團友好鍾意走來攝位！真係老實不客氣！

呢度環境的確好優美。

小店子賣嘅嘢都各有特色。姐姐都係呢樹放低左少少銀両。

呢度有船仔坐，不過咁嘅天氣...... 好在沒有中伏！秋天可能就幾寫意！

另外姐姐揀咗去呢個蒜山高原，有個牧場，不過啲牛牛好遠！唔係好見到佢哋！

呢幅影得小白兔都好可愛！

呢度有芝士火鍋食！！

雖然大家果刻唔係好肚餓，但係都值得一試！

之後姐姐佢哋去咗一個鬼女台展望所！風景都幾優美！最緊要佢哋都搵到野買！哈哈哈～佢地傻架！

唔係買咗西瓜！不過買咗手信、還有七福米。仲攞住人哋啲嘢影相！

姐姐佢哋呢晚住喺湯原溫泉既「湯快感」，雖然比較舊啲，但係酒店嘅職員個個都好親切。晚飯招呼佢哋嘅日本太太真係非常友善，仲跟住姐姐講廣東話。

呢度係二人份量！真係食唔晒！啲牛牛好淋，好好味！

刺身都唔錯，好新鮮！

食飽飽之後，姐姐佢哋出咗去散步，見到呢間油屋！真係古色古香！

小兔兔之旅

又係放暑假嘅時候喇，姐姐期待已久，去尋找兔兔之旅！今次又係O仔去, 因為係去搵兔仔，最後啡仔成為了幸運兒，跟姐姐一齊去旅行！睇下一班團友。

今次旅程嘅亮點，就梗係搵兔仔啦。馬上帶大家睇吓搵兔仔嘅花絮。呢個島，如果唔係揸車去其實都幾唔容易。姐姐佢哋要泊車喺碼頭，再搭船去呢個兔仔島。佢哋喺呢個渡假村住咗一晚。大約四點鐘去到嗰島，真係熱到抽筋。佢哋喺碼頭買咗兔糧，同埋早一日喺超級市場買咗兩個生菜（菜菜真係最受歡迎架）準備出去啦！！

四圍都係兔仔好得意呀⋯⋯你睇佢喺度抖涼！

酒店附近嗰啲可能俾人餵飽晒，都唔係好so姐姐佢地。

但係攞生菜出嚟佢哋就有反應啦！

巧得意！姐姐發現佢哋好鍾意將個肚藏入個窿度！唔知係咪咁樣涼爽啲？！

大家睇佢哋幾有反應！

呢隻好醒目呀，唔知係米曬得滯，走入姐姐佢哋把遮下！！超搞笑！

姐姐成日比啲兔仔搶咗啲菜！呢隻係其中一隻賊仔！

食飽晚飯，姐姐佢哋又再出動。晚上兔仔比日頭活躍，會係個草地度跳跳跳！姐姐佢哋一搖動蔬菜，兔仔就會走埋嚟架啦！真係好得意。

呢個地方真係好適合啲喜歡兔仔嘅人來。就算姐姐嘅朋友唔係兔兔迷，佢哋都喺度玩得好開心！姐姐終於嚟到，感謝天父同埋好朋友嘅陪伴！

盛暑下的涼風

從那裡走到這兒，停下感受到盛暑下的涼風，天然的涼風比冷氣更舒服。人生總要走過盛暑，天父賜下涼風的時候，更叫感到神恩典的可貴。😊😊 涼風實在叫人不願離開啊～～

您在

當人遇上苦難，會不斷質疑神為何讓苦難發生？為何不阻止苦難？為何要無辜的人受害？戲裡似乎很努力地為神辯護。雖然我唔完全明白，亦都唔能夠完全被說服，但係我知道一件事，苦難裏面，您在。

人好喜歡坐在審判官的位置上，包括我。會對身邊的人事物，以自己的主觀來判斷，認定別人的做法和動機和我所想的一樣。我錯了！我根本沒有這個資格。智慧，教我學懂一件事，我不是審判官！追尋智慧，才是真正有智慧。

很喜歡戲中的肥阿姨，好親切，點解會搵一個肥阿姨來扮演您的角色？真的不知道，不過我很喜歡。因為在我心目中，您就是這樣的親切！看見肥阿姨手上的釘痕，哭了。平日睇戲，我只會比一兩幕觸動到眼淚的神經線，但這套戲，不停地觸動我！靈風，把主角的眼淚收藏在小瓶子裏，又讓我哭了。因為我知道是真實的！還有主耶穌，與主角在水面奔跑！盼望我也可以做得到！有機會我都想再睇多一次呢套戲。

肥阿姨最後講，我們生命每一個動作，都叫這個世界美麗豐富一點點，但願如此！

泰開心

終於有時間寫一寫泰開心遊記！姐姐好難得先至有機會同小天使們一齊去旅行，對佢哋嚟講亦都係一次好新鮮嘅嘗試。由開始定好日期，再選擇地點，然後買機票，已經開始出現考驗！要學習體諒彼此嘅時間、同埋家人的顧慮。好開心最後都成行了！係呢次旅程入邊，大家學習左好多野，有行動組嘅kw姐姐同埋我姐姐，亦有調停大使sy姐姐，又有風趣幽默k媽媽,大家都有不同性格同埋節奏，喺埋一齊真係有不一樣嘅化學作用！姐姐佢哋喺過程裏面都了解咗大家好多。大家賽後檢討都能夠坦誠分享感受，真係好寶貴，多謝大家！

姐姐佢哋都好回味當中嘅片段～呵呵！

好期待下一次嘅帶着矛盾去旅行呀！

等我小米帶大家睇吓佢哋嘅花絮啦！

由於太多花絮，所以都係用拼圖來表示。

酒店篇：三五知去旅行最好就係兩房一廳，又可以傾計又唔使等來等去。不過呢間酒店普普通通啊，勝在地點夠方便！

SPA篇：真係一分錢一分貨，點都係D記令人有賓至如歸既感覺。貼士都抵俾多啲！接待姐姐仲好可愛添！

法國大餐篇：L記法國大餐，食物都可以，不過唔係話好味到揼一聲嗰隻！勝在環境服務都好。大家悠閑地食一個午餐，感覺真放假！

姐娥！推介！去過兩次，兩次都咁好味！

立立雜雜。呵呵！

最後姐姐想喺呢度記錄一個感受，同三位小天使去旅行係天父給姐姐的禮物。不過有一個感受，姐姐是要去克服的。從旅行一開始，姐姐都有啲懼怕面對呢一幕，就係回程嘅時候知道天使們都會有「使者們」來接佢哋走，當姐姐想到呢一幕嘅時候，其實對佢嚟講係一個考驗（畢竟姐姐都會有一點點的感受，嗰種感覺唔係需要人嘅安慰或幫助，而係要面對、同埋自己去處理箇中感受）不過從天父一個好微細嘅安排，姐姐感受到天父的了解和顧念。姐姐行李到咗先，好自然地姐姐就先起行。而巴士明明已經開出左，平時起碼要等15分鐘，但係果晚姐姐等左幾分鐘巴士就到了！這些小小的片段，讓姐姐更感受到主的愛和看顧❤️❤️！別人也許會以為係巧合，對於姐姐來講這不是偶然😭😭😭。感謝！

多謝大家收看！再一次次感謝小天使們同姐姐去旅行！

My dearest

剛剛從bkk回來，好開心好開心可以同最親愛的有一個短聚時間！雖然只係短短個多小時，但係都覺得好珍貴。今日一席話，給我好寶貴嘅提醒。我都好想朝着呢個方向，就是：let the others be themselves, 同人相處的時候，我們很容易把自己覺得好的一同加在別人身上，以為這樣是對人好，出發點雖然沒有錯，但是倒不如讓別人擁有自己的空間吧！與人相處的確應該是如此。

還有，我們自我的價值，往往建立在自己做了什麼、在做什麼、別人怎樣看自己、也因着自己扮演的角色所帶來的滿足感和成就感來肯定自己，卻忽略了自我的最大價值其實在於神寶貴的救恩。的確自己某程度上又係咁喎⋯⋯ 讓我來學習，無論在什麼的困境中，仍然活出救恩的精粹！💪🏼💪🏼學習學習！

我們一同鍛鍊好身體吧，還有很長的路要走！☺️☺️想念您！