入廚搞搞震

姐姐琴日試整左蕃茄清湯腩，佢第一次整嘅。其實煮嘢食都幾好玩！不過姐姐整得唔夠淋，仍然有好多進步同埋學習嘅空間，但係都幾好食。如果姐姐有自己嘅廚房，可能姐姐都會係一位常常煮嘢食嘅小廚師。呵呵！

材料：牛腩、花椒八角、蕃茄、清雞湯姜蒜

1. 牛腩用姜出水去so味

2. 將所有材料洗淨，放入真空煲，大火滾15分鐘，撇去標出來的油份。

3. 冚蓋放入真空煲。幾個鐘頭之後就食得！

呢個係懶人嘅做法。呵呵！一啲都唔正宗！^_^

巧得意呀

今年係猴年，經常被以為係馬騮的芒痴痴真係大熱！其實芒痴痴係猩猩黎架。不過無論點都好，佢哋真係好得意呀！

呢兩隻放係公司度鎮住大局！

呢三隻放喺床邊！

呢兩隻成日掛住食！

佢哋都好鍾意飲coffee！

呢兩張咭係vava姐姐買俾姐姐架！真係好有心。^^

房門都貼滿晒佢哋。^^

姐姐仲寄咗一些比日本朋友添啊。佢哋都好開心。呵呵～～～～

陶瓷之友

姐姐今日又去陶瓷！做陶瓷真係一件好奇妙嘅事，你想做嘅嘢未必會做到，你冇諗過做嘅嘢你又做咗出嚟！真係好奇妙架。姐姐今日係想做兩個杯，不過佢做咗一個小花瓶。

其實做陶瓷一啲都唔容易，見到老師真係好似喺度表演魔術咁樣，手好定，又好純熟！真係非常之好睇！

姐姐另外做咗一隻杯，不過發現唔似杯，唯有攞來做筆插。^_^;

同場加映，下面嗰啲係姐姐之前去日本嘅時候整嘅，整得咁靚，當然老師幫助左好多。攞住自己做嘅陶瓷杯飲水，感覺真係好奇妙啊！

謝謝您

很久沒有對這個日子有感覺。已經有很多年這個日子跟我沒有什麼關係，慶幸不需要期望也沒有失望。但，發現這一年倒有一點不知怎樣形容的感覺，有一點點情緒........ 今朝查看天氣的時候，看見這幅畫，一陣暖意湧上心頭。也許是偶然的，也許不是。但我知道，主耶穌的確一直愛我。叫我微笑了。^^ 女孩子，從來就是很容易滿足的，告訴自己，要堅強啊！祂是知道的。

小米之家同仁鞠躬！

大年初一，小米之家恭祝大家猴年快樂！身體健康！

咁快有個新年啦，等Siu Mic帶大家睇吓我哋屋企過年嘅花絮啦。

大年初一早上，大家已經到咗好多利是啦。

O仔每年都會同全盒拍照！

小花子和百合花很相襯！

電視的舞獅表演很精彩！

O仔有得出街去拜年！有得high tea,仲影咗好多靚相啊！

仲帶咗熊本熊去探阿婆添呀！佢今期真係大熱！

呢個牛腩包真係好好食，有驚喜！

小米之家再一次恭祝大家開開心心過新年！恭喜恭喜！

天寒地凍星期天

雖然姐姐有「甲甲」護身，但係琴日都可謂最凍嘅一日！因為有不停落住毛毛雨，而溫度只係得四五度之下。對香港來說也是很少！姐姐都有足夠嘅裝備。^^

咁特別嘅歷史性時刻，都值得記錄低佢。呵呵！

真係得五度咋！

平時只係有機會係外地使用熊熊手襪終於有機會喺香港出場！寒冷天氣其實都係維持兩三日，應該好快又暖返了！

STM 點滴分享

今個聖誕節，姐姐再有機會去短宣。今次嘅目的地係柬柬！姐姐一直都好想去，因為好想支持和探望YY姐姐。好開心嘅仲有小倩姊妹同行，譲姐姐很有安全感。當姐姐心急處理事情的時候，就會有急躁的表現。但小倩姐姐很明白姐姐的性格，給予包容與體諒，感謝天父賜我謝謝好朋友！

等我記錄低姐姐嘅一啲感想。短短五日的行程，已經可以看見很多、聽見很多和經歷很多。最大嘅感受係，我們真的要支持神的僕人！他們每一個都獻上自己來到陌生的地方服侍主，姐姐嘗試想像，若果要她來到這個地方去服侍...... 姐姐知道自己實在不願意放棄舒適的生活。但看見一群主的僕人，帶着順服來忠心服侍祂所愛的人，實在衷心地欣賞和佩服他們。求天父祝福和使用他們！自己覺得要更加愛護他們。其中一位是YY姐姐的神學院同學，現在她是神學院的老師，她的分享最觸動姐姐的心。因為她的父母反對她信主，她極之不容易！她分享說，只要人有一顆願意服侍神的desire, 天父是知道的。desire！她說：

If you want to serve, be faithful;

If you want to learn, work hard;

If you want wisdom, fear God!

另一個感受就是，在短宣旅程真的會認識自己多一點！了解自己的強弱點。和別人相處和合作是不容易的，尤其在一個團隊𥚃，人人都有不同的性格和處事方式。要去學習包容和接納自己和別人，因為我們的天父也是這樣無條件地接納我們的。

有一位宣教士又說到，參與短宣最重要的，不是要把自己所預備的「倒出來」，更重要的就是多去用眼睛用心靈去細察每一件事，也把握機會跟當地人分享傾計，這是十分寶貴和重要的。不過，短宣隊通常都很用心機來預備一大堆東西，這個心思是好的，但有時候又未必切合當地人或有關機構的需要。所以真的需要有一個平衡。

小倩姊妹也提起一點，就是宣教的人其實也有很多不同性格的。從前對宣教士有一個特定的形象，覺得他們應該是健談、搞笑，才能夠接觸更多的人。但今次發現，有些宣教士其實也不算是很健談，但他們的確有一顆愛主的心，只是他們所扮演的角色是不同。所以想起任何人，都有機會被神使用。

柬柬的確是一個貧窮落後的地方，見到他們有很多的需要。我們活在香港實在太豐富，有一位傳道的姊妹團友提起，我們要學習把豐富的資源分配及缺乏的地方和人。今次旅程讓我們了解多了柬人經歷痛苦歷史的洗禮，真的很難過。但是有很多人因為經歷了神的恩典，也相信了主耶穌。盼望天父祝福這個國家！

好啦，帶大家睇吓柬埔寨嘅風景。

美麗的日落

皇宮

兒童之家的一角

歷史紀念館....一個人心情很沉重的地方

柬牛牛....好瘦喔！