克服它

 生命中，總有一些事情或感受是需要學習的。若果有一些感受是不好的，就學習克服它。不要讓這些不好的感受，來影響自己的情緒和自我價值。求主耶穌給我平靜的心，去克服這些不良好的感受。每個人都有一些要學習的地方。

哈哈，圖文沒有關係。不過這杯菠蘿特飲，賣相一流，賞心悅目，味道都OK嘅。不過冇想像中咁好飲。其實呢個世界都係你睇我好，我睇你好。好的，要感恩，不好的，克服它吧。

BB學畫畫

 姐姐今期又有新攪作，話說消費券一到手，佢就去咗買水彩顏料！佢一直都好想學㗎，睇吓片，睇吓書，大家睇吓佢畫成點！好明顯唔掂啦！🙈🙈🙈不過唔緊要，咁佢真係由零開始㗎嘛，所以佢可能都要出去上下堂～見到人哋真係畫得好靚，好似好容易～ 原來係好難掌握嘅。因為佢完全冇任何嘅概念～ 畫得靚唔靚都好，感覺都幾陶冶性情！😂😂😂😂

姐姐而家唔使返學多啲空間睇吓書，做吓其他嘢。原來都幾舒服～媽媽不嬲都話佢，樣樣野都半桶水！有咩所謂喎，咩都學下嗎～ 呵呵！

Moonsssss

 姐姐今年中秋節自己冇親眼睇到月亮。但係就收到來自唔同地方的月亮，來自好朋友的月亮個個都好靚！實在想念每一個，希望快啲可以再相聚！而家中秋節，最開心嘅就係食月餅囉，呵呵！

澳洲 

香港

非洲

英國

香港

完成了

好開心，想食啲開心嘢，有朋友陪伴，真係好感恩。呢個海鮮pancake，真係好好味呀，不過好邪惡啊！

 姐姐尋晚考完試了！好開心呀！連續40堂嘅課堂，真係唔容易呀！其實姐姐唔係特別鍾意讀書，呢個課程係咁長佢都冇辦法。佢終於完成咗，琴晚考完試，希望合格，最緊要可以claim到錢啦！不經不覺，佢學咗法蘭西文，已經有兩年，由於年紀大嘅緣故，佢實在覺得冇記性， handle唔到～ 自信心亦都好挫敗～ 佢發現自己其實佢真係好豬豬！不過無論點都好啦，已經完成咗了，佢會休息，唔會繼續學啦。不過佢就會自己學下睇吓，希望唔好完全唔記得啦～希望有一日真係可以去到法蘭西，講到幾句啦！

考完試心情真係好舒暢！！！

小米返家鄉

 好開心呀，昨日姐姐帶咗我返家鄉～ 廸廸尼！我好耐都冇出過街喇，適逢姐姐生日，姐姐帶埋我入去慶生呀！我可以入去，探下我啲鄉里。姐姐喺度住左一晚，好開心！因為姐姐生日，就有一個生日襟章，喺酒店嗰度，好多人同姐姐講生日快樂。不過喺迪迪園，就唔係好覺～

姐姐好多謝好感激每年都記得同埋向姐姐送上祝福的好朋友。知道這不是必然的。

有好朋友一起慶祝，非常感恩，

有好朋友記得，送上祝賀，非常感恩，

有朋友記得，或者唔記得，都別介懷～

要記住常常謝恩就足夠了。😊

等我小米帶大家睇吓呢兩日嘅花絮啦。

呢間就係我哋住嘅國賓廳～要付出多少少金錢，但係就方便好多，係個賓嘅享受，唔使排隊，同埋服務都特別好。

好開心呀，係哥哥車我哋入嚟架。

我仲見到我哋啲夠朋友添啊，不過因為疫情嘅關係，只可以遠遠咁樣同佢地影相，保持社交距離！

O仔當然都有一齊嚟啦！

呢個酒店大堂都好靚！姐姐佢哋係去返最classic嘅迪迪尼酒店。

姐姐見到呢隻雨褸小米都有啲想買，不過最終佢都放棄咗，真係好乖！記住媽媽金句！

原來今年係香港迪迪尼嘅15周年！姐姐對上一次去，已經係十幾年前嘅事！

呢個雜錦鮮果蛋糕好香，水果好新鮮，係姐姐自己揀㗎。姐姐好感謝佢幾個好朋友，同佢一齊嚟慶祝，衷心感謝，大家都渡過左愉快嘅兩天！

就係有呢個生日襟章，同埋毛巾蛋糕，喺餐廳嗰度仲有好多禮品！😄😄

另一個老朋友，胡廸！

大家睇吓有幾多嘢攞返屋企！當然有兩件係姐姐俾錢買嘅，其餘嗰啲都係生日嘅禮品！

小米實在老了，面上都有很多歲月的痕跡！我依家已經沖咗涼，吹乾緊！

其實昨日天氣都麻麻哋，但係就唔使好猛太陽被熱溶！同埋姐姐佢哋陰陰天咁樣行咗一陣先至有落雨，已經非常感恩。

早餐選擇雖然唔多，都幾別緻～

晚上仲有人送上毛巾小兔，好搞笑！

O仔走入人群，魚目混珠！

姐姐就係買咗佢啦，可以用來放airpod! Perfect!!!!

總括今次嘅行程，小妹真係好開心呀，能夠陪伴姐姐！亦都好感恩，有好朋友喺埋一齊，亦都有好朋友送上祝福，每一個祝福姐姐都放在心裏！😍

尋回人生焦點

 感謝主啊，姐姐終於尋回人生的焦點了！

好嘢!

激氣，姐姐唔用人像mode影我！ 人象mode影得O仔好靚！

謝謝愛護我的每一位

 哇哇～ 好靚呀！ 係小天使送俾姐姐㗎！今日係姐姐喺教會學習服事的按手禮。姐姐要上台分享，姐姐都想分享自己內心嘅感受同埋掙扎，不過佢都有問自己，做人其實需唔需要咁坦白呢。但是最終佢都係決定，按著聖靈給她的感動，真誠地分享就可以了。感謝主，她覺得很平安！其實也不明白，天父為何會揀選姐姐，讓她有服侍的機會。真是感激和感恩！姐姐亦都很感謝，背後有一群支持和愛護她的小天使，姐姐收到咁靚嘅花花，真係好驚喜同埋好窩心！感謝主，感謝她們！