泰開心

終於有時間寫一寫泰開心遊記！姐姐好難得先至有機會同小天使們一齊去旅行，對佢哋嚟講亦都係一次好新鮮嘅嘗試。由開始定好日期，再選擇地點，然後買機票，已經開始出現考驗！要學習體諒彼此嘅時間、同埋家人的顧慮。好開心最後都成行了！係呢次旅程入邊，大家學習左好多野，有行動組嘅kw姐姐同埋我姐姐，亦有調停大使sy姐姐，又有風趣幽默k媽媽,大家都有不同性格同埋節奏，喺埋一齊真係有不一樣嘅化學作用！姐姐佢哋喺過程裏面都了解咗大家好多。大家賽後檢討都能夠坦誠分享感受，真係好寶貴，多謝大家！

姐姐佢哋都好回味當中嘅片段～呵呵！

好期待下一次嘅帶着矛盾去旅行呀！

等我小米帶大家睇吓佢哋嘅花絮啦！

由於太多花絮，所以都係用拼圖來表示。

酒店篇：三五知去旅行最好就係兩房一廳，又可以傾計又唔使等來等去。不過呢間酒店普普通通啊，勝在地點夠方便！

SPA篇：真係一分錢一分貨，點都係D記令人有賓至如歸既感覺。貼士都抵俾多啲！接待姐姐仲好可愛添！

法國大餐篇：L記法國大餐，食物都可以，不過唔係話好味到揼一聲嗰隻！勝在環境服務都好。大家悠閑地食一個午餐，感覺真放假！

姐娥！推介！去過兩次，兩次都咁好味！

立立雜雜。呵呵！

最後姐姐想喺呢度記錄一個感受，同三位小天使去旅行係天父給姐姐的禮物。不過有一個感受，姐姐是要去克服的。從旅行一開始，姐姐都有啲懼怕面對呢一幕，就係回程嘅時候知道天使們都會有「使者們」來接佢哋走，當姐姐想到呢一幕嘅時候，其實對佢嚟講係一個考驗（畢竟姐姐都會有一點點的感受，嗰種感覺唔係需要人嘅安慰或幫助，而係要面對、同埋自己去處理箇中感受）不過從天父一個好微細嘅安排，姐姐感受到天父的了解和顧念。姐姐行李到咗先，好自然地姐姐就先起行。而巴士明明已經開出左，平時起碼要等15分鐘，但係果晚姐姐等左幾分鐘巴士就到了！這些小小的片段，讓姐姐更感受到主的愛和看顧❤️❤️！別人也許會以為係巧合，對於姐姐來講這不是偶然😭😭😭。感謝！

多謝大家收看！再一次次感謝小天使們同姐姐去旅行！

My dearest

剛剛從bkk回來，好開心好開心可以同最親愛的有一個短聚時間！雖然只係短短個多小時，但係都覺得好珍貴。今日一席話，給我好寶貴嘅提醒。我都好想朝着呢個方向，就是：let the others be themselves, 同人相處的時候，我們很容易把自己覺得好的一同加在別人身上，以為這樣是對人好，出發點雖然沒有錯，但是倒不如讓別人擁有自己的空間吧！與人相處的確應該是如此。

還有，我們自我的價值，往往建立在自己做了什麼、在做什麼、別人怎樣看自己、也因着自己扮演的角色所帶來的滿足感和成就感來肯定自己，卻忽略了自我的最大價值其實在於神寶貴的救恩。的確自己某程度上又係咁喎⋯⋯ 讓我來學習，無論在什麼的困境中，仍然活出救恩的精粹！💪🏼💪🏼學習學習！

我們一同鍛鍊好身體吧，還有很長的路要走！☺️☺️想念您！

微細調配

從您微細的調配中，感受到您那份愛，因為您顧及我的感受。雖然不容易，但是您是知道的。謝謝您，也謝謝您讓小天使們圍繞着我。^^

正面的人

人很多時候都會因著別人的一些說話而有不快的感覺，也許說的人沒有心（又或者是有），但聽見的人心裏就不是味兒。怪不得人總會喜歡一些正能量的朋友，他們的說話總是帶着感恩、鼓勵、支持。但是負面的人，說話總是帶着埋怨、嘲諷、批評。也許他們也不是刻意的，可能在成長的過程裏，圍繞着他們的就是這些負面的情緒和感覺，所以很難期望或要求他們突然變得正面。遇着這些情況，只好像喝水一般吞下去。不要放在心上，不要被影響情緒。負面的人常常期望別人接納，但是他們卻不接納，甚至常常否定別人.... 不過算了吧，飲多杯水，就冇事。😅😅

Stewards of God's Grace

真係Lulu! 一直以為兩星期後先至考試，原來下星期已經係最後一堂，亦都係要考試！真係懵盛盛！

不過好感恩，跟這位老師學習，每一堂都好激勵。呢段時間都好疲倦，今天帶着疲倦嘅身體同埋欠佳的精神狀況返學，本來有點失落。上堂前還跟同學仔說：「我想返屋企！」但是在課堂上，當老師解釋「作神百般恩賜的好管家」的時候，真的是很激勵和有提醒。天父的話語真的是帶着能力！

雖然我不是最清楚自己有什麼恩賜，但是大約了解自己的強弱項。想到天父給每一個人也有恩賜，我們只管好好使用我們的恩賜，來事奉神、幫助人，就足夠了。老師解釋"steward"的意思，讓我有更深刻的體會。管家就是幫助主人「洗錢」，好好運用手頭上的資源去做好主人所交托的事情。天父給我時間、才能、資源、還有很多.... 我要好好使用來祝福別人。咁樣嘅生命先至有價值同埋意義！如果唔係，真係愧對主人，雖然我仍然係做得好差，不過我會朝着呢個正確的方向去走。

上一堂，當老師解釋主耶穌為我們釘十字架，祂把我們本來當受的羞恥背在他的肩頭上時，老師哭了！我也是第一次看見老師在課堂上 ，因着解釋聖經而突然哭了。感受到老師的確很被主耶穌的愛觸動，很真實！相信他生命也有很多經歷。這位外籍老師的生命見證和教導，真的給予我很大激勵。不過佢成日比好多功課同埋測驗我哋！叫我們經歷試煉！😅😅做佢學生真的不容易，但是很享受做他的學生。感謝天父！

花花世界

姐姐今日去完芒痴痴cafe之後，去咗行花墟，記得好耐之前去過一次。哇！果然係元宵佳節同埋就嚟情人節，人多到不得了！姐姐都揀咗呢一盤「長壽花」比自己呀！巧令！好喜歡。姐姐其實一開始就睇中左佢，不過諗住再睇下先啦，之後行咗一大個圈，發現最鍾意都係呢一盆。人就係咁，鍾意揀嘢。好在佢仲喺度，呵呵！

佢同姐姐嘅風信子互相輝影呀⋯

幾靚😊😊

My heart little angelsss!

姐姐很感恩，因為她很慶幸有生命中有小天使，她們是什麼事都可以分享，就算是很小的事情，所見所聞所想，都可以自由地分享，她們不會擔心對方會怎樣想，單單把心裏所想的、或者日常所見的、所作的、所感受的，在這個小組裏分享。女人是很敏感的動物，有時會懷疑別人的動機，又或者不知不覺互相比較。但在這個小組裏，她們彼此互相信任、互相建立、互相支持！因為天父在我們中間，她們寶貴珍惜這份友誼。謝謝主恩、謝謝小天使！