開開心心過新年

恭喜發財！小米之家同大家拜年！祝各位身壯力健！

等我小米帶大家睇吓姐姐個新年嘅花絮。

今年比佢哋兩個做咗主角啊！

姐姐等緊風信子開花！好期待呀！

貓貓𥄫封利是呀！

每年姐姐都會去探貓媽媽，再一齊去飲咖啡、再去太古「行大運」！呵呵呵！仲有利是𢭃添呀！

姐姐今日煲咗個紅蘿蔔粟米人蔘果牛蒡湯，仲炒咗個小菜添，我地就明名為「鴻運當頭賀雞年」啦！哈哈哈！

戲如人生

姐姐琴日已經收咗爐了，今天可以睇睇戲，喝杯咖啡！呢套歌舞連場嘅愛情小品，可能有啲人會覺得好悶，但係姐姐覺得都OK呀。現實與理想嘅追求、時空交錯嘅感覺、人喺唔同時候嘅選擇，都會為佢帶梨唔同嘅結果。簡單一句，戲如人生啦！

又新一年啊！新年進步！恭喜恭喜！

一年一度買買買

每年到我哋呢個時候都好期待喺MJ做既姊妹比優惠券我哋！新年前終於等到喇！大家分開唔同地區嘅小隊，姐姐都去咗兩日。等小米帶大家睇吓佢嘅收穫：

第一日嘅收穫。今年連食物都有九折啊!

第二日嘅收穫！嘩，薄外套折左＄137咋！

好開心呀！呢個香薰機姐姐唔捨得買！但係哥哥買咗比姐姐呀！yeah~~~~ 

姐姐休養花絮

等我小米帶大家睇吓姐姐休養嘅花絮啦！咁就休息左差不多成個星期，就算喺屋企，姐姐都周圍騰，騰來騰去好多攪作。最重要梗係煲啲湯水飲下啦！

雪梨蘋果雪耳瘦肉湯

五瓜排骨湯

姐姐仲嘗試薯仔炆排骨，雖然失敗左！不過吸收左經驗下次一定會好啲嘅！

貓媽媽煮咗午飯給姐姐食！好窩心。

第三日姐姐終於可以出街食一個粟米肉粒飯！嘩！好好味呀！

姐姐自家製：蕃茄餃子快熟通粉

姐姐今天按耐不住，喝一杯紫薯拿鐵，呵呵呵！

話說係醫院蓋果張被真係好柔軟，姐姐今天經過吉吉島，都揀左張被被！yeah!! 

姐姐為2017年的月曆裝飾下

，呵呵！

姐姐聽日會返一返工，之後複診在休息一下。原來休假都係好快渡過架，好好珍惜，也好好休息。( ◠‿◠ )

人生味道

姐姐返咗屋企第二日，學習休息。係呀！原來休息都是需要學習的。一直都好想寫返入院嘅經歷同埋感受, 不過實在有很多不同的感想，不知如何說起。不如就由姐姐「食嘢」講起呀！

姐姐姐做完手術第二日，當佢嘗試飲水嘅時候「濁親」呀！可能佢用咗一支比較粗嘅飲管，而且亦都唔適應。所以好驚呀。多謝KW姐姐好醒目帶咗粥來俾姐姐食，不過當姐姐食第一口嘅時候佢覺得吞唔到野啊！！心裏邊好害怕，話比姑娘聽，姑娘解釋俾佢知可能手術後整組喉嚨嘅肌肉郁動會有痛楚，所以係正常嘅。叫姐姐再嘗試，就勉強食到啦。姐姐仍然記得那啖粥的味道！好好味！

第二難忘就是第一口車厘子！好甜呀！

第三難忘就是豪爸媽帶來的無花果雪耳瘦肉湯！嘩！好甜呀！

記得牧者來探姐姐時對姐姐說：好好珍惜這幾天，經歷和體會人生最軟弱的時刻，就會明白什麼是人生。那一刻不明白這句說話的意思，直到出院回家的那一個晚上，由於不再吃安眠藥，原本自己熟悉的床鋪變成了三保床！頭又痛楚，總不能入睡！任何睡姿都不舒暢，又害怕整到傷口，非常辛苦，終於明白牧者所說的那句話是什麼！體會到人生不是自己可以控制，疾病臨到的時候身體不是自己掌管的。健康的時候要珍惜寶貴，苦難疾病的時候要順服！不過深知道任何時候主耶穌都與我在一起！痛苦沒有離開，不過是祂所看見的、所知道的。

終於體會到一點詩人所寫的：

「我要為你的慈愛高興歡喜，因為你見過我的困苦，知道我心中的艱難」

 

「耶和華啊，我仍舊倚靠你；我說：你是我的神！我終身的事在你手中！」

「耶和華的聖民哪，你們都要愛他！耶和華保護誠實人，足足報應行事驕傲的人」

Ps 31

感謝主耶穌讓我帶我經歷多一點人生的味道。這段經歷叫我知道，我要更敬愛祢。

姐姐入廠篇

終於來到姐姐入廠既大日子了，姐姐今晚狀況稍為好一點了，感謝主。

她今天持續都好頭痛啊！醫生轉左藥比佢之後就好一點了！

回想做手術前後過程都好平安，心裡都沒有太懼怕的感覺，因為實在感到很多的支持和代禱，叫姐姐感到很有力量。每位的關心行動讓姐姐都好感受到被愛。是主的大愛和肢體的愛！感謝主恩在這個不配的人身上顯大。嗚嗚。

姐姐被推進手術室那一刻，只想起：「耶和華必在你面前行，他必與你同在。」在手術室內抬頭看見一個十字架，心裡很感到安慰。姐姐仲記得自己對主說了一句話。（╹◡╹）♡

原本手術是三小時，大約七點完，殊不知8:45才被推出來，真的比原定時間做耐左好多，嚇親大家喔。手術順利，醫生比左甲甲照片姐姐睇，嘩！好醜怪啊！有13cm~~ 巧大隻呀！希望傷口可以儘快癒合啦。

感謝大家對姐姐的照顧和付出喔，感激感激！

勞氣佬

有時候見到媽媽對住阿婆好勞氣，就覺得唔使咁激動吖。但係當自己對住阿媽嘅時候，就係變得好勞氣和激動....... 我都唔想架！呢一個似乎係一個自然定律：「阿囡對住阿媽就會好勞氣和激動」點解佢哋會唔聽人講？點解覺得自己好醒？幫佢安排好晒d野又阿吱阿咗！(≧∀≦)