呢幾日婆婆情況都唔係太理想，真係希望婆婆唔好咁辛苦。琴日終於鼓起勇氣，問準舅父們，他們都同意讓婆婆接受簡單的灑水禮。其實每一次問婆婆，婆婆都係願意禱告，話自己信耶穌。自從入醫院之後，婆婆由好辛苦～ 慢慢改變過來，感受到她裏邊有一份平靜。雖然食唔到嘢，婆婆係會有唔開心，畢竟都年老了，求主耶穌讓婆婆能夠平靜面對，心裏有着耶穌基督的平安。婆婆自己都說，多謝耶穌！
每當想起婆婆年老衰殘，心裏面就好難過。
探完婆婆之後，經過維園工展會，想起之前她行得走得的時候，每年都會帶她到工展會！其實年年都係買嗰啲嘢，佢會買蜜糖、榴槤威化餅、活絡油，白花油😅😅。現在都冇機會再帶婆婆去行了！🥹🥹
