連根拔起....暴風總會渡過...

姐姐今天去了跑步.... 看見暴風過後四處被蹂躪過的景象。連跑步徑也被封住了！感受到大自然的威力，人生也許都有風暴，就算不是風暴，也會有一些思潮起伏。在別人眼中，也許是一些微不足道的事情或感受，但當事人所經歷的，在那一刻卻是"走不過"的艱難或情緒。所以，任何時候都不要輕看別人的感受，能夠支持的話，就在那時候用最恰當的方式陪伴別人渡過。面對自己的感受或情緒，卻要學習輕輕地一笑置之..... 同時也去接受自己，但"過不到"就是過不到，我不是強人。正因為這樣，更要緊緊的抓着主的手喔～

但是不論是暴風雨、還是情緒起伏，總會過去的。睇吓天色幾好！呢舊雲幾似獅子～在噴火！世上總有些有趣的地方。：）

正面思想

今朝返工前去買蘋果，買咗三個，出到門口時隻手發軟蹄，成袋跌咗落地，蘋果碌走咗。好樣衰！好在四圍冇乜人見到....，嗱嗱聲執返d蘋果。

跟住去麥記買豬柳蛋扭扭粉，等左一輪攞，發現原來阿姐落錯單，自己又冇睇清楚。俾咗個什麼熱香餅我！冇時間再同佢糾纏，是但啦。返到公司，檢查蘋果，盲炳睇唔到原來有一個係爛的,另外一個碌扁左！好啦，食早餐，雖然唔係我想食嘅扭扭粉，不過都存着感恩嘅心打開熱香餅，咦！原來有塊豬柳喎，仲有個薯餅添～ 熱香餅早餐我未食過架.... 原來都幾好味。以後又多一個選擇了！早前主日學有一個專題叫做「正面思想」，可能今次是要我好好地實踐！:) :)

家庭

相信每一個人都被自己的家庭、父母、兄弟姊妹深深地影響。今天，心情特別無奈和沉重，但是我能夠去做的就是相信、禱告、並呼求神的憐憫，用戈祢如啫喱一般的愛把各人心靈𥚃的傷痕、填滿、醫治。願聖靈工作！