生日快樂

姐姐好開心...今日收到呢個蛋糕！因為姐姐都冇期望～所以收到特別開心～ 生日最好是跟好朋友一齊過的！

好得意呀！好鍾意！

放返個牌喺前面先～



帶唔到佢哋返屋企，唯有食咗佢哋隻耳仔啦。

米熊和白熊說：「姐姐帶我哋走啊～～～～唔好抌低我哋呀！嗚嗚.......」

とっとりの旅: D7 植田寫真博物館、花迴廊、皆生溫泉

呢日係姐姐牛一！亦都係整個旅程入邊覺得最熱嘅一日！！

真係好好天氣啊！

好開心，對着一片稻田，吃鳥取牛！真係好好味呀！



由於天氣實在太熱，姐姐佢哋加插左呢個寫真博物館嘅行程，本身諗住涼冷氣！但係入邊嘅照片真係好好睇～聽咗介紹呢位植田先生嘅片段，再睇埋佢嘅作品，真係覺得照片好有生命力！最深刻係佢講咗一句，大致嘅意思係話：人生最難受嘅就係見到自己由內到外一天一天地老去..... 真係非常之認同！無論如何，植田先生嘅作品都留咗係我腦海裏邊！

好啦好啦！姐姐都幾期待來這個花迴廊，不過天氣實在太熱了！ 大家行咗半個鐘已經覺得好辛苦！姐姐仲經歷人生入面第一次差點中暑的感覺，個心跳得好快，個人有啲暈暈地！不過感謝主，都冇事！





跟住姐姐佢哋就來了皆生溫泉，呢一晚嘅酒店係最貴㗎！姐姐仲訂咗個蛋糕俾自己添啊，哈哈哈！

好驚喜呀！check in嘅時候，酒店哥哥話俾姐姐知，今晚九點鐘有煙花！睇到煙花好開心呀，不過原來係得兩分鐘架咋！能夠好近距離見到煙花～好令呀！Happy Birthday~~~~ 熱烈慶賀！哈哈哈！

同場加映 (D5-6) 岡山小記

去鳥取之前，姐姐問過老闆娘，佢話鳥取呢個地方冇咩買。所以姐姐就安排左走一轉岡山。（後來姐姐發現，鳥取其實都有好多地方可以shopping！）

上面呢幅照片係路邊見到的小花田！


自駕遊最開心就係經過呢啲嘅休息站，有嘢食，有嘢買！


姐姐都唔執輸，整返個雪糕食下


就算係簡單一個午餐味道都好好啊！ 都只係50幾蚊港紙！

去岡山嘅主要目的當然係shopping，不過呢晚都加插左一個景點，就係後樂園！夜晚行的確有令一番風味。最重要係冇咁熱！不過姐姐發現岡山比鳥取熱！早晚都熱過人！









來到岡山，梗係要食返隻桃～唔錯唔錯。

とっとりの旅 D4：ウラトミ、Pension Comso

 好啦，呢日姐姐佢哋嚟到浦富海岸，因為太大浪，原定姐姐book好咗嘅小型船，開唔到，佢哋就要坐大飛（大船）。好在時間啱啱好，都講得切上船！否則要等一個鐘先至再有船。一開船，由於有小朋友係度餵蝦條，就有好多飛了跟着梨，場面都幾壯觀！
http://www.yourun1000.com/pages/uradome


呢樹風景都好優美㗎！




去完呢度，姐姐佢哋去咗驚安殿堂！大家都放下唔少銀両。之後佢哋就去呢間星星屋。





呢度嘅擺設，晚飯，設施都好好! 睇得出屋主佢真係花咗好多心思喺呢度。
http://p-cosmos.net/

晚上就去咗附近嘅佐治天文館，不過大家可能飯氣攻心都好眼瞓.....
http://www.city.tottori.lg.jp/www/contents/1425466200201/

とっとりの旅 D3: 赤瓦紅磚屋、梨館、沙丘(Highlight!!!)

姐姐覺得呢個紅磚屋可以不去！


21世紀梨館～幾得意喎！

有三款梨可以試食，試完仲可以投票。




好啦好啦！終於嚟到今次旅程嘅重點！沙丘！第一眼望落去真係都幾震撼，原來真係有個沙丘㗎！開始行嘅時候都冇乜嘢，行到一半開始覺得有啲吃力，姐姐心諗行唔行到上去㗎！幾經辛苦終於行到頂！就見到一片海洋～ 感謝主，天氣唔算太曬，反而陰陰地天。但係回程嘅時候就開始曬了，要嗱嗱聲着返對鞋，因為啲沙好熱，幾多幾秒都會辣親隻腳板架！





 黎到呢度真係好開心！


之後佢哋就去咗浦富海岸，喺呢度住一晚，呢度係一個海灘民宿，非常日本feel，仲有燒海鮮晚餐。係一位日本婆婆開嘅！佢哋預備第日就會去浦富海岸啊～ 食飽飽早啲瞓。https://www.seasideuradome.com/

とっとりの旅 D2: 鬼怪大道、大山

食飽飯過嚟睇吓先～


第二朝一起身食飽早餐就來這裏！真係四圍都好鬼怪！


姐姐實情對鬼太郎完全沒有印象！


呢位係新團友粟米子！


呢隻幾好味！每人都可以試食一粒。


歡喜嘅話可以寫信比啲鬼怪㗎！


境港魚市場！都要等30分鐘先至有位！不過好好味，值得一等！


傳說中的夏輝蠔！真係咁大個女都未食過咁大隻！


初到大山嘅時候，俾啲遮住晒，咩都睇唔到呀！大家都有啲失望，等左一陣有風就撥開雲霧見青天啊！感謝主！


第二日嘅行程都好緊密，感謝主天氣真好！